لاہور(این این آئی)کورونا وائرس کے باعث تقریباًسات ماہ بعد تیسرے مرحلے میں پرائمری سکولز بھی کھول دئیے گئے، تعلیمی اداروں میں حکومت کے طے کردہ ایس او پیز کے تحت انتظامات کیے گئے۔بچوں کو گروپس میں تقسیم کیا گیا ہے ،کلاس کی آدھی تعداد ایک دن آئے گی جبکہ باقی دوسرے دن حاضری یقینی بنائے گی، شفٹ کو بھی 4 گھنٹے تک محدود کر دیا گیا۔ پنجاب میں پرائمری سکولوں کی تعداد36ہزار کے قریب ہے جبکہ پرائیویٹ سیکٹر کے سکول اس کے علاوہ ہیں۔پشاور سمیت خیبر پختونخوا میں پرائمری سکول کھل گئے، صوبے میں سرکاری پرائمری سکولوں کی تعداد 27 ہزار ہے۔ کوئٹہ سمیت بلوچستان میں بھی پرائمری سکولوں میں بچوں کی بڑی تعداد سکول پہنچی۔سندھ میں 28 ستمبر سے پرائمری سکولوں میں تعلیمی سرگرمیاں بحال ہوچکی ہیں۔