اسلام آباد (این این آئی)پاکستان پیپلز پارٹی نے 94ادویات کی قیمتوں میں اضافہ مسترد کر دیا۔ اپنے بیان میں نیر بخاری نے کہاکہ ادویات مہنگی کرنے کا عوام دشمن فیصلہ فوری واپس لیا جائے۔نیر بخاری نے کہاکہ جان بچانے والی ادویات مہنگی کرنے والے وزیراعظم کی ذہنی کیفیت کا سرکاری معائنہ ہونا چاہیے ۔ انہوں نے کہاکہ پہلی کابینہ ہے جو عوامی فلاحی منصوبوں کی بچائے مافیاز کی سہولت کاری مددگاری کے فیصلے کرتی ہے۔ انہوں نے کہاکہ پی ٹی آئی حکومت کا ہر فیصلہ اشرافیہ کی نمائندہ اور مافیاز کی کارندہ کا ثبوت ہوتا ہے۔ انہوں نے کہاکہ مہنگائی بے روزگاری کے مارے مریضوں کی دوائیاں مزید مہنگی کرنا عوام دشمنی کی انتہا ہے۔ نہوں نے کہاکہ ادویات مہنگی کرنا حکومتی شراکتی مافیاز اور زخیرہ اندوزوں کی مالی مددگاری ہے۔ انہوں نے کہاکہ روٹی روزگار چھیننے والے بے رحم حکمران عوام الناس کی زندگیوں کے درپے ہیں۔ انہوں نے کہاکہ دال روٹی سبزی قیمتوں میں ہوشربا اضافہ اور مہنگی ادویات عوام الناس کی جیبوں پر ایک اور ڈاکہ ہے۔