لاہور ہائی کورٹ نے پولیس کے سینئر افسروں کو ہر ضلع میں روزانہ دو گھنٹے رات کو گشت کرنے کا حکم دے دیا، چیف جسٹس محمد قاسم خان نے ریمارکس میں کہا کہ صوبے کے لوگوں کا تحفظ اولین ترجیح ہے ۔چیف جسٹس لاہور ہائی کورٹ جسٹس محمد قاسم خان نے میاں آصف محمود اور ندیم سرور ایڈووکیٹ کی جانب سے لنک روڈ اجتماعی زیادتی معاملے کی جوڈیشل انکوائری کرانے کی درخواست پر سماعت کی گئی۔ڈی آئی جی لیگل جواد ڈوگر رپورٹ سمیت عدالت میں پیش ہوئے۔چیف جسٹس لاہور نے پوچھا کہ بتائیں سینئر پولیس افسران کس طریقے کے تحت گشت کریں گے؟ رات گیارہ سے ایک بجے ہر ضلع میں ایک سینئر افسر روڈ پر ہونا چاہیے، پولیس کا ڈسٹرکٹ پٹرولنگ سسٹم ناکارہ ہو چکا ہے۔چیف جسٹس لاہور ہائی کورٹ نے قرار دیا اگر وہ چیف جسٹس کی حیثیت سے اپنی عدالت میں کام نہ کرے تو ماتحت عدلیہ سے کام نہیں لے سکتے بتایا جائے آئی جی کتنے دن اور کس وقت گشت کرے گا۔پولیس افسر نے بتایا کہ نظام پہلے ہی موجود ہے